KEYDMEDIA ONLINE DIB U HABEYN BAA KU SOCOTA
Midka koowaad ayaa dhacay 14-kii December, waxaana AFRICOM ay sheegtay in 7 ka tirsan Al-Shabaab ay dileen. Duqeynta labaad ayaa dhacday saddex maalmood kadib, waxaana lagu dilay 8 ka tirsan maleeshiyada Al-Shabaab.
MUQDISHO, Soomaaliya - Militeriga Mareykanka ayaa Soomaaliya ka fuliyay duqeyn uu ku dilay lix ka tirsan Al-Shabaab Jimcihii, sida lagu sheegay war ka soo baxay taliska AFRICOM.
Weerarkan ayaa ahaa mid is-difaac ah, sida uu sheegtay AFRICOM, waxaana lagu fuliyay codsi uga yimid dowladda Soomaaliya. Marka loo eego qiimeyn hore, ma jirto dad rayid ah oo la dilay ama lagu dhaawacay.
Waa markii saddexaad oo muddo 10 maalmood gudahood uu Mareykanka duqeynayo Al-Shabaab, waxayna ka dhacday isla degaan ku dhaw Cadale oo qiyaastii 150 mile dhanka waqooyi bari kaga beegan Caasimadda Muqdisho.
Duqeyntii 1aad ayaa dhacay 14-kii December, waxaana AFRICOM ay sheegtay in 7 ka tirsan Al-Shabaab ay dileen. Duqeynta labaad ayaa dhacday saddex maalmood kadib, waxaana lagu dilay 8 ka tirsan Al-Shabaab.
Mareykanka ayaa taageero joogto ah siiya dowladda Soomaaliya tan iyo markii madaxweyne Joe Biden uu ansixiyay bishii May codsigii Pentagon-ka ee ahaa in Ciidamada lagu soo celiyo dalka si looga hortago kooxda argagixisada ah.
In ka badan 500 oo askari oo Mareykanka ah ayaa lagu soo celiyay Soomaaliya bishii May 2022, kuwaasoo dalka ka saarey Donald Trump sanadka 2021-ka horaantiisa.
KEYDMEDIA ONLINE
Add comment
Comments
There are no comments for this entry yet.