KEYDMEDIA ONLINE DIB U HABEYN BAA KU SOCOTA
Saddexdii Sano ee Fahad hogaanka NISA hayay waxay hay'adda noqotay mid lagu weeraro Mucaaradka, Warbaahinta iyo Madaxda dowlad Goboleedyada ka fekerka duwan Farmaajo.
MUQDISHO, Soomaaliya - Fahad Yaasiin ayaa qormo dheer uu ka sameeyay xiligiisii hogaanka hay'adda NISA, ayaa ku cadeeyay inuu ahaa hagaha qorshiyaasha MD hore Farmaajo.
Musharax C/raxmaan Cabdishakuur ayaa sheegay in qoraalka Fahad isku xayeesiiyay uu marag-fur u yahay xantii shacabka ee ahayd in talada dalka ay isaga iyo Farmaajo ku koobnayd.
CC Warsame ayaa yiri: Maadaama uu Taliyihii hore caddeeyey in qorshaha NISA lagu hagayey uu Madaxweyne hore Farmaajo lahaa waxaa cad in uu isagu lahaa amarkii iyo qorshihii
1- Itoobiya loogu dhiibay Qalbidhagax.
2- Weerarkii ay NISA ku qaaday xarunta Xisbiga Wadajir.
3- Weerarradii lagu qaaday Hoteelkii ay labada Madaxweyne iyo Gudoomiyihii hore ee Baarlamaan deganaayeen.
4- Weerarkii Mukhtaar Rooble lagu soo afduubay
5- Shacabkii iyo madax kale oo iyagoo dibadbaxaya la weeraray.
6- Awooddii ciidan ee guddoomiyihii Baarlamaanka xilka looga tuuray, kii kalana lagu madiidiyey.
7- Wiilashii Soomaaliyeed ee lagu soo xero geliyey in Qatar loo qaadayo, ka dibna dagaalka Tigreega lagu guray
8-Dilkii Ikraan Tahliil iyo is hortaagii caddaalad u raadinteeda.
9-Isku daygii Raysalwasaare Rooble lagu afganbi rabay.
10- Isku daygii Madaxweynaha Jubbaland lagu soo qafaalan rabay.
Fahad Yaasiin wuxu qoraalkiisa ku koobey sida uu NISA ka dhigay mudadii uu xukumayay, iyo inuu ku xalin jiray welwelka iyo Cabsida Farmaajo ee dhanka amniga, xukunka iyo siyaasadda.
Waxaa kaloo xusid mudan in NISA mudadii xukunka Fahad ay soo galeen Shabaabki ugu badnaa, sidoo kalena lagu dhex-dilay hay'adda Saraakiil badan, oo Ikraan Tahliil ugu dambeysay.
KEYDMEDIA ONLINE
Add comment
Comments
There are no comments for this entry yet.