KEYDMEDIA ONLINE DIB U HABEYN BAA KU SOCOTA
Qoraal ay Musharixiinta soo saareen Maanta ayay ku sheegeen inaan laga aqbali doonin Farmaajo inuu Ciidanka qaranka ku caburiyo shacabka.
MUQDISHO, Soomaaliya - Musharixiinta Mucaaradka ayaa cambaareeyay falkii arxan-darrada ee askari katirsan NISA kula kacay shalay Gabdho iyo wiilal si nabad ah ku banaanbaxayay magaaladda Muqdisho, oo rasaas lagu furay.
War qoraal ah oo Musharixiinta soo saarey ayaa lagus sheegay in falka uu ku kacay Askari yahay mid ka tarjumaya hadalladii horey ee Farmaajo iyo Madax kale oo ugu dambeeyay Cumar Filish oo dhawaan sheegay in la dilayo qofkii banaanbax ka sameeya Muqdisho.
Waxay Musharixiinta ugu baaqeen Farmaajo iyo Rooble inay raali-gelin ka bixiyaan dhacdadii shalay, islamarkaana cadaallada la horkeeno askariga dharka-cad ee bastooladda ku riday gabdhaha, oo noloshooda khatar uu geliyay.
"Farmaajo iyo Rooble waa inay soo saaraan raali-gelin deg deg ah oo ku aadan falka arxan-darradda ah ee askariga NISA u geystay gabdhaha banaanbaxa dhigayay, islamarkaana si deg deg ah Maxkamad lagu soo taago," ayaa lagu yiri qoraalka.
Dhaqanka xun ee askarta dowladda waa kuwa aad loo cambaareeyay, waxayna bixinaysaa caddeyn ah inuusan jirin isla-xisaabtan iyo dhowrista xaquuqda muwaaidniinta Soomaaliya, oo maalin walba dowladda ku xad-gudubto.
KEYDMEDIA ONLINE
Add comment
Comments
There are no comments for this entry yet.