Ganacsade Caawa lagu Dilay Kismaayo

Kismaayo(KON)-Magaalada Kismaayo ayaa Goor dhaw waxaa lagu Dilay Ganacsade caan ka ahaa Magaalada,waxaana lagu soo waramaya in Dilka Ganacsadaha ay fuliyeen Maleeshiyada Raas kambooni.

Warar Keydmedia Online
9 March 2014

Ganacsadaha  ayaa waxaa lagu Magacaabi jiray Xasan Diiriye Quuq,waxaana la dilay Salaadii Maqrib ka dib meel u dhaw guriga uu ka daganaa Magaalada Kismaayo oo u dhaw Xaruntii hore ee Shirkada Nition.

Goobjoogeyaal ayaa Keydmedia  u sheegay in Marxuunka ay dileen Koox hubeeysan oo watay Dharka Maleeshiyada Axmed madoobe ee Magaalada Qaska ka wada.

Ilaa iyo hada lama sheegin Sababta Dilka Ganacsadaha,laakiin waxaa uu qeyb ka yahay Dilalka ay Magaalada Kismaayo ka geeysanayaan Kooxda Raas kambooni.

Maleeshiyo Beeleedka Raas kambooni ayaa Magaalada Kismaayo ka fuliya Dilal iyo Dhac ay ku hayan dadka Bulshada Indhaha u ah.

Keydmedia online - Xafiiska Muqdisho