Garoonka Kismaayo oo la Weeraray

Kismaayo (KON) - Dagaal Xoogan ayaa Xalay ka dhacay Garoonka Diyaaradaha Magaalada Kismaayo, kadib markii ay Al-shabaab Garoonka soo weerareen.

Warar Keydmedia Online
9 March 2014

Dagaalka ka dhacay Garoonka Diyaaradaha ayaa waxaa uu dhexmaray Ciidamada Dowladda Kenya iyo Maleeshiyada Kooxda Al-shabaab.

Wararka ayaa sheegaya in Dagaalka uu Sababay Dhimasho iyo Dhaawac, inkastoo aan la sheegin tirada Dadka ku geeriyooday dagaalka.

Ciidamada Kenya ayaa lagu soo waramayaa in ay Duqeyn ay Rideen ay ku Dhaceen Dad Rayid ah oo dagana Duleedka Garoonka Magaalada Kismaayo.

Wararka Qaar ayaa sheegaya in Dhaawacyo dad rayid ah Saaka la geeyey Isbitaalka Magaalada Kismaayo, kuwaas oo ku soo dhaawacmay Dagaalkii Xalay.

Maleeshiyada Al-shabab ayaa marar farabadan soo weeraray Garoonka Diyaaradaha Magaalada Kismaayo oo fariisin u ah Ciidamada Kenya.

Keydmedia Online - Xafiiska Muqdisho