KEYDMEDIA ONLINE DIB U HABEYN BAA KU SOCOTA
Tallaabadan ayaa la qaadey iyadoo laga jawaabayo codsiga Midowga Afrika, ee ah in la kordhiyo mudada loo qabtay in lagu dhimo Ciidanka bishan illaa June 30, 2023.
NEW YORK - Gollaha ammaanka ayaa Arbacadii shalay ansixiyay qaraar dib u dhigaya dhimista 2,000 oo askari oo ka tirsan howlgalka Midowga Afrika ee Soomaaliya (ATMIS) muddo lix bilood ah.
Tallaabadan ayaa la qaadey iyadoo laga jawaabayo codsiga Midowga Afrika, ee ah in la kordhiyo mudada loo qabtay in lagu dhimo Ciidanka bishan illaa June 30, 2023.
Qaraarkan cusub ee 2670, ayaa ku baaqay in shir rasmi ah oo looga hadlayo isbeddelka Soomaaliya ka dhacaya la qabto May 31, 2023, iyadoo ay ka qayb galayaan dowladda Federaalka, Midowga Afrika, Midowga Yurub iyo dalalka ay Ciidammada ka joogaan Soomaaliya ee Uganda, Burundi, Kenya, Itoobiya iyo Jabuuti.
Illaa 22,000 oo askari oo Afrikan ah ayaa tan iyo 2007 Soomaaliya ka howlgalayay, mana ku guuleysan inay Al-Shabaab ka saaraan guud ahaan dalka, iyadoo fashilkooda uu keenay inay dowladda Soomaaliya isku tashato, islamarkaana qaado howlgal ballaaran oo dib u xoreyn ah, oo shacabka ay ka qeyb-qaadanayaan.
ATMIS ayaa lagu bedelay magacii AMISOM April 2022, waxaana loogu tala-galay inay kasii shaqeeyaan dalka, inta Ciidanka qaranka loogu diyaarinayo inay la wareegi karaan mas'uuliyadda amniga.
Howlgalka oo dhaqaale badan ku bixiyaan Midowga Yurub iyo QM ayaa la filayaa in lasoo afjaro 2024, waxaana taasi ku xiran tahay hadba sida looga adkaado Kooxda Al-Shabaab.
KEYDMEDAIA ONLINE
Add comment
Comments
There are no comments for this entry yet.