Hay’ado ka tirsan QM oo maanta gaaray Baraawe

Wafdi ka socda hay’adaha Qaramada Midoobay ee taageera Soomaaliya ayaa Maanta oo Isniin ah gaaray degmada Baraawe ee Magaalo-madaxda u ah dowlad goboleedka Koonfur Galbeed.

Warar Keydmedia Online
30 August 2021

BARAAWE, Soomaaliya - Hay’adaha kala ah IOM, UN, OCHA iyo qaar kamid ah howl wadeenno heer caalami ah ayaa waxaa gegidda diyaaradaha Baraawe kusoo dhaweeyay Cabduqaadir Maxamed Nuur Siidii guddoomiyaha gobolka Shabeellaha Hoose, Mas’uuliyiinta Maamulka degmada & Saraakiil ka girsan ciidanka xoogga dalka & kuwa AMISOM.

U kuur gelidda xaaladaha guud ee ka jira Baraawe iyo degaannada hoos yimaada ayaa ah ujeedka wafdigan ay u gaareen.

Siidii oo wafdiga soo dhaweeyay ayaa tilmaamay in madaxda hay’adaha QM ay la kulmi doonaan mas’uuliyiinta Maamulka si ay uga dhageystaan warbixin ku saabsan xaaladaha bani’aadannimo ee degmada iyo degaannada hoos yimaada.

KEYDMEDIA ONLINE