Howlgalkii G/Hiiraan oo dhabar-jab ku dhacday

Labada degaan ayaa kamid ahaa meelaha sida aadka loogu baab'ay xoreyntooda, iyadoo dowladda askar badan ku waysay.

Warar Keydmedia Online
Howlgalkii G/Hiiraan oo dhabar-jab ku dhacday

BELEDWEYNE, Soomaaliya - Labo degaan oo ku yaalla gobolka Hiiraan ayaa dib ugu laabtay gacanta Al-Shabaab, kadib markii si fudud ay isaga baxeen Ciidanka dowladda iyo Macawiisleey.

Yasooman iyo Moqokori, oo ku yaalla gobolka dagaalka ugu culus Al-Shabaab lagula galay, ayaa hadda ka baxay gacanta dowladda, waxaana khatar soo wajahday dadkii degaanka ee taageeray howlgalka militeri.

Dagaalka waxuu u muuqdaa mid xowligii ku socday gaabis ku imaanaya, maadaama degaanno laga soo baxayo, oo Saraakiil muhiim ah iyo Oday dhaqameen lagu dilay weeraradii ugu dambeeyay.

Al-Shabaab ayaa ku dishay gobolka Hiiraan Cilmi Hagar oo kamid ahaa Odayaashii dhaqanka ee abaabulay dadka degaanka ee kacdoonka sameeyay, kaasoo Todobaadkii hore ku dhintay qarax ka dhacay Ceel-Qooxle.

Labo Maalin kadib, Al-Shabaab waxay nawaaxiga Basra ku dishay Jen Farxaan Qaroole, oo ahaa taliyaha booliska Muqdisho, xili uu ka qeyb-qaadanayay howlgal kooxda looga saarayay degaanno.

Lama oga sababta keentay dib u gurashadda Ciidanka, iyadoo tallaabadan ay niyad-jab ku noqotay dadkii dagaalka ka qeyb qaadanayay, oo degaanka, kuwaasoo hadii ay baxaan askarta Al-Shabaab ay dilayso.

KEYDMEDIA ONLINE

    There are no comments for this entry yet.




Warar 29 November 2022 18:52

Warbxinta sanadlaha ah Bangiga Adduunka ee la socodka dhaqaalaha Soomaaliya ayaa lagu xusay in abaaraha ba’an ee Dalka ka jira ay dhaqaalaha samayn xooggan ku yeesheen, iyada oo Abaarta ka jirta guud ahaan dalka ay ku barakaceyn in ka badan Hal milyan oo qof.