KEYDMEDIA ONLINE DIB U HABEYN BAA KU SOCOTA
Goobjooge ayaa KON u sheegay in qaraxa uu ka dhashay Miino wadada dhinaceeda la dhigay, taasoo sida muuqata lala damacsanaa Ciidan boolis ah oo gaadiidka Habeenkii ku baara jidka.
MUQDISHO, Soomaaliya - Inta la xaqiijiyay 8 qof ayaa ku dhimatay, 5 kalena way ku dhaawacmeen Qarax culus, oo Caawa Fiidkii ka dhacay magaaladda Muqdisho, gaar ahaan degmada Wadajir.
Goobjooge ayaa KON u sheegay in qaraxa uu ka dhashay Miino wadada dhinaceeda la dhigay, taasoo sida muuqata lala damacsanaa Ciidan boolis ah oo gaadiidka Habeenkii ku baara jidka.
Goobta uu qaraxa ka dhacay oo ah Ceel-Qalow, meel ku dhaw midka Culusow, oo aan ka fogeyn dhismaha Somali airlines waxay ahayd mashquul, waxaana marayay gaadiid badan.
Dad shacab ah ayaa la sheegay inay ahaayeen dadka ku dhintay, sidoo kalena kuwa dhaawacmay ma ahayn askar, waxaana loo qaadey Isbitaal, sida uu xusay Goobjoogaha.
Ma jirto cid sheegatay mas'uuliyadda qaraxa, oo noqonaya midkii 2aad oo Caawa ka dhaca Caasimadda, iyadoo lagu soo beegay xili Al-Shabaab culeys badan kasoo fuulay gobollada Dhexe.
KEYDMEDIA ONLINE
Add comment
Comments
There are no comments for this entry yet.