Isku-socodka dadka iyo Gadiidka ee Muqdisho oo la joojiyay

Xaaladda Muqdisho ayaa saakay ku waaberiisatay wadooyinka muhiimka oo xiran, iyadoo qaarkooda dadka shacabka laga celinayo inay lug kumaraan.

Warar Keydmedia Online
27 January 2022

MUQDISHO, Soomaaliya - Ciidanka DF ayaa saakay xiray wadooyinka halbowlaha u ah isku-socodka Gaadiidka iyo Dadweynaha, xili uu jira khilaaf siyaasadeedka Farmaajo iyo Roobble.

Waxaa xiran jidadka ugu waaweyn Xamar, laga soo bilaabo Isgoysyada Jubba ilaa taalada Daljirka dahsoon, Ceelgaabta , Xamar Jajab ilaa Suuqa Beerta, oo ku dhaw Teendha Afisyooni.

Saraakiisha amniga ma aysan sheegin sababta loo xiray wadooyinka, iyadoo shacabka Caasimadda ay is-waydiinayaan arintan caqabada ku noqotay nolol-maameedkooda.

Inta badan marka doorasho ka dhacayso Afisyooni, lama xiri jirin intan wado ah, oo amniga haraaraha Garoonka diyaaradaha kaliya ayaa la adkeyn karin, oo Ciidamo AMISOM la dhigay.

Xaaladda siyaasadeed dalka ayaa saameeyay amniga, iyadoo amaro iska soo horjeedo Ciidanka laga soo siiyo Xafiisyada Farmaajo iyo Rooble, oo ka dhaxeeya loolan awoodeed.

KEYDMEDIA ONLINE