Madaafiic lagu weeraray xerada ciidamada Jabuuti ee Beledweyne

Ilaa afar madfac ayaa ku soo dhacay gudaha xerada ciidamada Jabuuti ee Beledweyne, ilaa haddana khasaaro lama soo warin.

Warar Keydmedia Online
22 August 2020

MUQDISHO, Soomaaliya - Tiro Hoobiyaal ah oo la rumeysanyahay in ay soo tuureen xubno ka tirsan kooxda Shabaab ayaa xalay fiidkii lagu garaacay xerada ciidamada Jabuuti ee ku taallo magaalada Beledweyne ee xarunta gobolka Hiiraan.

Goob joogayaal ayaa sheegaya in ilaa afar madfac ay xerada ku dhaceen, kuwaas oo daryankoda laga maqlayay nawaaxiga xaafadaha saldhiga ku teedsan.

Saldhiga ciidamada Jabuuti ee qeybta ka ah AMISOM ayaa ku yaallo xaafadda Howl-wadaag ee Beledweyne gaar ahaan suuqa xoolaha ee Kaba lays. ilaa hadda majiro wax khasaaro ah oo la soo wariyay.

KEYDMEDIA ONLINE