Maxaa kasoo baxay Kulankii Rooble iyo taliyeyaasha Ciidanka?

Qaraxyo iyo weeraro toos ah oo ugu yaraan 9 qof ay ku dhimatay ayaa ka dhacay xalay saqdii dhexe magaaladda Muqdisho.

Warar Keydmedia Online
16 February 2022

MUQDISHO, Soomaaliya - Ra'iisul Wasaare Rooble ayaa Maanta Xafiiskiisa isagu yeeray taliyeyaasha Ciidamada kala duwan, ee Booliska, Militeriga, NISA iyo Wasiirka Amniga DFS.

Kulanka ayaa looga hadlay weerarkii Xalay ka dhacay Caasimadda, oo ahaa midkii ugu xooganaa oo sanadkan Al-Shabab fuliso, iyadoo uu ka dhacay dhowr degmo oo Kaxda ku jirto.

Ra’iisul Wasaaraha XFS Mudane Maxamed Xuseen Rooble  ayaa kulan deg deg ah isugu yeeray hay’adaha amniga dalka, kadib  falalkii argagixisadu xalay ka geysteen qeybo ka mid ah Muqdisho, isagoo faray hay’adaha amnigu in ay qaadaan tallaabooyin dheeri ah oo lagu xoojinayo amniga, ayaa lagu yiri qoraal kasoo baxay Xafiiska RW.

Rooble ayaa wax ka qaban waayay amniga iyo doorashadda, oo mas'uuliyad ka saarnaaa, isagoo awoodiisa hoos u dhacday kadib Khilaafka Farmaajo, oo weli xukuma Ciidanka dalka.

Al-Shabab dagaalkeeda dibadda Muqdisho ka socday, hadda gudaha ayuu soo galay, waxayna Kooxda kordhisay tan iyo intii sanadkan cusub billowday qaraxyada oo is-miidaamin ah.

Kulanka Maanta ayuu RW Rooble ku amray laamaha amniga inay wax ka qabtaan amniga, islamarkaana ay la dagaalamaan Al-Shabaab, oo khatar weyn ku ah xasiloonida Soomaaliya.

Weerarada xalay oo ka kala dhacay degmooyinka Kaxda, Yaaqshiid iyo Hodon ayaa waxaa ku dhimatay ugu yaraan 9 qof, oo labo dumar ahaayeen, iyadoo 16 kale ku dhaawacmeen.

KEYDMEDIA ONLINE