KEYDMEDIA ONLINE DIB U HABEYN BAA KU SOCOTA
Shaqsiga ugu saameynta badan, uguna dhibaatada badan Soomaaliya ayuu ahaa shantii sano ee Farmaajo, isagoo hadda isku diyaarinaya markale inuu xukunka sii haysto.
MUQDISHO, Soomaaliya - Khamiistii illaa Maanta 2 Sawir oo qabsadey hadal-heynta baraha bulshadda, ayuu Fahad Yaasiin soo diray xili uu isku diyaariyay doorashadda Beledweyne.
Fahad Yaasiin, oo ah la-taliyaha amniga Farmaajo ayaa Maanta u safray Beledweyne, waxaana kahor inta uusan duulin sawir uu kusoo galay qeybta VIP-da lasoo geliyay social media.
Waa nin wax walba diyaarsadey, oo kursi u xiran yahay, kaasoo Todobaadkan lagu dooranayo Beledweyne, oo Maanta qarax weyn ka dhacay, kaasoo loo arkay mid siyaasadeysan.
Sawirka Maanta wuxuu Fahad Yaasiin ugu tala-galay inuu ku demiyo hadal-heynta qaraxiii Beledweyne, oo lagu dilay 15 qof, kaasoo lala eegtay Maqaaxi ku dhaw xarunta Maamulka.
Kursiga HOP86 waxaa ku fadhiyay Faarax C/qaadir, oo hadda Fahad kala wareegay, waxaana wararka ay sheegayaan in taliyihii hore ee NISA uu doonayo inuu ku fariisto kursigii Muudey.
Sawiradiisa oo soo bandhigay ayaa siyaabo kala duwan loo fasiray, dadka qaar ayaa sheegaya inuu bulshada ku marin-habaabinayo, iyadoo uu rabo in hadda kadib banaanka is-keeno.
Wuxuu ahaa shaqsi aan sawir laga qaadey, oo warbaahinta muuqaallo ka duubin tan iyo 2017, isagoo ahaa qof is-qariya, oo daaha gadaashiisa wax ka maamula, oo Villa Somalia ku jira.
KEYDMEDIA ONLINE
Add comment
Comments
There are no comments for this entry yet.