KEYDMEDIA ONLINE DIB U HABEYN BAA KU SOCOTA
Maydka Wiil da' dhexaad ah ayaa Saaka la soo dhigay waddada 30-ka gaar ahaan inta u dhaxeyso Isgoysyada Black-sea iyo Baar Ubax ee Muqdisho.
MUQDISHO, Soomaaliya - Maydka ruux Shacab ah oo la sheegay in uu ahaa Rag ayaa Saaka lagu arkay inta u dhaxeyso Isgoysyada Black-sea iyo Baar Ubax ee magaalada Muqdisho.
Marxuumka ayaa waxaa korkiisa ka muuqday dhaawacyo daran oo loo geystay ka hor inta uusan geeriyoon, waxaana dad goob joogayaal ah sheegayaan in Meydka Marxuumka la kor saaray Midiyo iyo Baangado u muuqday in lagu dilay.
Ciidamada Amaanka ayaa goobta gaaray, iyagoona maydka Marxuumka u qaaday xarunta hay'adda dembi baarista CID ee Muqdisho, halkaasoo lagu baarayo.
Ilaa iyo hadda lama oga waxa uu ahaa ruuxa maydkiisa waddada la soo dhigay, cidda dishay iyo sababta ka dambeyso.
Halka wax ka dhaceen ayaa u dhow Dabaqa Salaama oo khamiistii la soo dhaafay qarax lagula eegtay ciidamo ka tirsan dowladda Soomaaliya, islamarkaana lagu dilay sarkaal ka tirsan Hay'adda NISA. Qaraxaas ayaa waxaa geystay Haweeney isi soo miidaamisay.
KEYDMEDIA ONLINE
Add comment
Comments
There are no comments for this entry yet.