KEYDMEDIA ONLINE DIB U HABEYN BAA KU SOCOTA
Maxamed Barrow wuu ahaa nin dhalinyaro ah, oo leh xaas iyo Carruur oo u shaqeynayay, isagoo Darawal ahayd xirfadda uu ku xamaasho.
MUQDISHO, Soomaaliya - Qiimaha Nolosha ayaa Muqdisho ka noqotay mid aan micno ku fadhin, iyadoo wadooyinka maalin walba si raqiis ah loogu dilo Darawallada Baabuurta dadweynaha.
Waxaa Maanta Isgoyska KM4 meel ku dhaw lagu dilay Maxamed Barrow, oo ahaa Darawal Gaari kuwa Xamuulka qaada, xili uu ku socday jidka 21-ka October ee dhanka Dekadda aada.
Sida ay Saaxiibadiisu sheegeen, Maxamed Barrow wuu ahaa nin dhalinyaro ah, oo leh xaas iyo Carruur oo u shaqeynayay, isagoo Darawal ahayd xirfadda uu ku xamaasho.
Gaari weyn oo Kunteenar saaran ayuu wadey, waxaana joojiyay Askar boolis ah, oo la sheegay inuu waydiiyay $2, oo markii uu diiday ama ma hayo ku dhahay uu xabad ku furay, taasoo u dhintay.
Askariga ayaa ka cararay goobta, waxaana markii dambe soo gaarey baabuur kale oo kuwa Xamuul oo rag ay saaxiib ahaayeen sameeyay isku soo bax ay ku dalbadeen in lasoo xiro askariga.
Amniga Caasimadda ma ahan mid wanaagsan, waxaa dhawaan ka dhacay weerar argagaxiso oo lagu qaadey Hayat hotel, kaasoo 30 saacadood ka badan socday, iyadoo lagu dilay 21 qof.
KEYDMEDIA ONLINE
Add comment
Comments
There are no comments for this entry yet.