KEYDMEDIA ONLINE DIB U HABEYN BAA KU SOCOTA
Guddoomiyaha Golaha Aqalka hoose, Sheekh Aadan Maxamed Nuur [Madoobe] ayaa sharci darro ku tilmaamay sababta uu ku dhawaad afar sano xukun la’aan xabsiga ugu jiro Mukhtaar Roobow.
MUQDISHO, Soomaaliya – Sheekh Aadan Maxamed Maxamed [Madoobe], Guddoomiyaha Golaha Shacabka ee Baarlamaanka 11aad JFS, ayaa sifo sharci darro ah ku tilmaamay go’aankii ay Dowladdii hore ku xirtay Sheekh Mukhtaar Roobow [Abuu Mansuur] oo hore uga tirsanaa hoggaanka Kooxda xiriirka la leh Al-Qaacida ee Al-Shabaab.
Wareysi uu siiyay Universal TV, ayuu Aadan Madoobe ku sheegay in Abuu Mansuur, uusan u xirneyn Dowladda hadda jirta, isla-markaana ay madaxda dalka ugu sarreysa go’aan ka gaari doonaan xariggiisa, maadaama aan makamadu xukumin, ku dhawaad afar sanana uu u jeeddooyin siyaasadeed ugu xiran yahay Taliska NISA ee Habar Khadiijo.
“Anigu waxaan ku jiray dadka diiddanaa sida loo xiray Mukhtaar, sida lagu soo xiray wax toosan uma arko, isaga ayaa ka soo baxay Al-Shabaab, waana la aaminaya ilaa baasaboor Diplomacy ah la siiyo, Dowaladdii hore ayuu u xirnaa ee tan hadda jirta uma xirna, go’aan kale ayay ka gaari doonaan madaxda hadda joogta” ayuu yiri Madooobe.
Dhanka kale, dhawaan Afhayeenka Madaxtooyada Cabdikariin Cali Kaar, oo shir jaraa’id ku qabtay Villa Somalia, oo warbaahintu weydiisay waxa Dowladda cusub kaga qorshe ah xarigga, Mukhtaar Roobow Cali, ayaa sheegay hadal la ceyn ah midka Guddoomiye Aadan Madoobe, oo ah in Abuu Mansuur uusan u xirneyn Dowladda hadda jirta.
Bartamihii bishii 8-aad ee 2017, Sheekh Mukhtaar Roobow, oo warbaahinta kula hadlay hotel ku yaala Muqdisho, wuxuuna caddeeyay in xubinnimada Al-Shabaab uu ka baxay 5 sano iyo 7 bilood ka hor xilligaas, wada-hallo dhex maray isaga iyo Dowladda Federaalka ayaa sababay in loo fidiyay cafis buuxa.
Hayeeshee, Ciidamada Itoobiya ayaa 13-kii bishii December 2018, magaalada Baydhabo ka af-duubay, si uusan uga qeyb galin tartanka doorashada Madaxweynaha Koofur galbeed, sababo la xariira in Farmaajo, Fahad iyo Kheyre ay Lafta-gareen u rabeen xilkaas, wuxuuna tan iyo xilligaas maxakamad la’aan ugu xiran yahay qol ku yaalla Muqdisho.
KEYDMEDIA ONLINE
Add comment
Comments
There are no comments for this entry yet.