Muxuu yahay ujeedka Safarka Xasan Sheekh ee Mareykanka?

Waa safarkii 2aad tan iyo September 2022, waxaana la filayaa inuu Madaxweynaha la kulmo Jaaliyadda Soomaaliyeed ee Miniapolis, oo lagu casuumay.

Warar Keydmedia Online
12 December 2022

WASHINGTON - Madaxweyne Xasan Sheekh Maxamuud iyo wafdi uu hoggaaminayo ayaa gaaray dalka Mareynkanka halkaas oo uu kaga qeyb geli doono shirka madaxda Afrika iyo Mareykanka oo ka dhacaya magaalada Washington 13-ka illaa 15-ka bishan.

Shirkan oo socon doona muddo saddex cisho ah ayaa looga hadli doonaa muhiimadda xiriirka Afrika iyo Mareykanka iyada oo la xoojinayo dhinacyada iskaashiga; dhaqaalaha, amniga, gargaarka, caafimaadka, dowlad wanaagga, xuquuqul insaanka iyo isbeddelka cimilada.

Madaxweyne Xasan Sheekh oo ka mid ah madaxda Afrika ee shirkan lagu casuumay ayaa jeedin doona khudbad ku saabsan la dagaallanka argagixisada, guulaha dowladda Soomaaliya ay ka gaartay ciribtirka khawaarijta Al-shabaab, iyo dhinacyada kale ee dowladda Soomaaliya ay muhiimadda siineyso in ay iskaashi ka sameyso.

Waa safarkii 2aad tan iyo September 2022, waxaana la filayaa inuu Madaxweynaha la kulmo Jaaliyadda Soomaaliyeed ee Miniapolis, oo lagu casuumay.

KEYDMEDIA ONLINE