KEYDMEDIA ONLINE DIB U HABEYN BAA KU SOCOTA
Kooxda Al-Shabaab ayaa lagu eedeeyay dilka Nabadoonka, maadaama ay beegsato odayaasha ka qeybgalay doorashadda Xildhibaanada Soomaaliya.
BELEDWEYNE, Soomaaliya - Waxaa xalay lagu dilay Xaafadda Xaawo Taako ee magaaladda Beledweyne Cali Macalin Maxamuud [Cali Dheere], oo kamid ahaa Odayaasha ugu caansan G/Hiiraan.
Dabley hubeysan ayaa dishay Nabadoonka, oo la sheegay inuu kamid ahaa Odayaashii soo xulay Ergadii dooratay Sanbaloolshe, oo noqday Xildhibaan katirsan Baarlamaanka 11aad ee dalka.
Ma jirto cid sheegatay mas'uuliyadda dilka, balse waxaa loo maleynayaa inay ka dambeyso Kooxda Al-Shabaab, oo horey ugu hanjabtay Odayaasha ka qeybgalay doorashadda iyo ergada u codeysay Xildhibaanada cusub.
Waa qofkii 2aad oo ka qeybgalay doorashadii ka dhacday HirShabeelle oo lagu dilay Beledweyne bishan gudaheeda, waxaana shacabka ay sheegeen in amniga uu faraha ka baxay, islamarkaana maamulka u noqday mid fadhiid ah.
23-kii March, labo qarax oo ismiidaamin ah ayaa ka dhacay Beledweyne, kuwaasoo ay ku dhinteen in k abadan 50 qof, oo ay kamid tahay Xildhibaan Aamin Cabdi, oo xiligaas dib u doorasho raadinaysay.
KEYDMEDIA ONLINE
Add comment
Comments
There are no comments for this entry yet.