KEYDMEDIA ONLINE DIB U HABEYN BAA KU SOCOTA
Jugta qaraxa ayaa laga maqlay qeybo kamid ah Caasimadda, waxaana kasoo baxayay warar kala duwan Khasaaraha ka dhashay.
MUQDISHO, Soomaaliya - Qarax ayaa Caawa ka dhacay Isgoyska Ceel-Gaabta ee magaaladda Muqdisho, kaasoo ku dhaw xarunta Madaxtooyadda Villa Somalia.
Goobjooge la hadlay Keymedia Online ayaa sheegay in qaraxa uu ka dhashay Miino wadada dhinaceeda lagu aasay, taasoo lala beegsadey Gaari uu watay Sarkaal katirsan dowladda, oo aan magaciisa wali la sheegin.
Qaraxa kadib waxaa goobta gaarey Ciidanka ilaaladda Madaxtooyadda, ee loo yaqaano Koofi-gaduudka kuwaasoo hakad geliyay gaadiidka dadweynaha mudo daqiiqado ah, iyagoo markii dambe furay.
Illaa hadda laamaha amniga ma shaacin Khasaaraha ka dhashay qaraxa.
Wali ma jirto cid sheegatay qaraxa Caawa oo noqonaya midkii ugu dambeeyay silsiladda weeraro ah oo ka dhacaya magaaladda xili Ciidanka dowladda ay fadhiyaan jidadka, islamarkaana sameeyaan baaritaanno Gaadiidka gaarka loo leeyahay.
KEYDMEDIA ONLINE
Add comment
Comments
There are no comments for this entry yet.