KEYDMEDIA ONLINE DIB U HABEYN BAA KU SOCOTA
Ciidamo katirsan Haramcad, oo ilaalo ka ah dhismaha jidka Muqdisho iyo Afgooye ayaa qaraxa lala eegtay.
MUQDISHO, Soomaaliya - Khasaaro isagu jira dhimasho iyo dhaawac ayaa ka dhashay Qarax miino oo Saakay ka dhacay degaanka Carbiska, ee duleedka magaaladda Muqdisho.
Inta la ogyahay saddex askari ayaa dhaawacyo kasoo gaarey, iyadoo wararku ay sheegayaan inay dhimasho jirto, balse aan tirada la shaacin.
Ciidanka la qarxiyay ayaa kamid ahaa kuwa ilaaliya Injineeradda iyo shaqaalaha Turkiga u dhashay, ee dhisaya wadadan oo 30-KM ah, taasoo ay maalgelisay dowladda Qatar.
Ma jirto cid sheegatay, balse falalka noocan ah waxaa looga bartay Kooxda Al-Shabaab, ee xiriirka la leh Ururka Al-Qaacidda.
Dhowr Qarax ayaa lala eegtay Injineeradda Turkiga, waxaana looga dilay ku dhawaad 10 qof tan iyo markii dhismaha billowday 2019.
Kooxda Al-Shabaab ayaa diidan in jidka laami la saaro, waxayna isku dayaysa inay joojiso mashruucan oo muhiim u ah isku socodka Muqdisho iyo gobolladda Koonfurta dalka, gaar ahaan Shabeellaha Hoose.
KEYDMEDIA ONLINE
Add comment
Comments
There are no comments for this entry yet.