KEYDMEDIA ONLINE DIB U HABEYN BAA KU SOCOTA
Labada qarax oo ahaa miino ayaa ka dhacay afaafka hore ee xarunta maamulka degmada.
BALCAD, Soomaaliya - Ugu yaraan saddex qof oo uu ku jiro Sarkaal boolis ayaa ku dhintay labo qarax oo Maanta ka dhacay afaafka hore ee xarunta maamulka Degmada Balcad, oo qiyaastii 30-KM u jirta Muqdisho.
Lix qof oo kale, oo shacab iyo askar isagu jira ayaa ku dhaawacmey qaraxyadda, oo lagu eedeeyay inay ka dambeyso Kooxda Al-Shabaab oo mudooyinkii dambe xoojisay weerarada xili dalka uu ku jiro marxaladda kala-guurka.
Xaaladda Balcad ayaa kacsan, waxaana socda howlgallo ay Ciidamada dowladda sameynayaan si ay uga hortagaan weeraro kale oo ay fuliyaan xubno katirsan Al-Shabaab oo gudaha ku jira.
Maalintii shalay, 5 qof oo labo Turki ahaayeen ayaa ku geeriyoodey qarax is-miidaamin ahaa oo ka dhacay inta u dhaxaysa Lafoole iyo Xaawo Cabdi, kaasoo lala eegtay shaqaalaha dhisaya jidka Muqdisho iyo Afgooye.
Al-Shabaab ayaa diiradda saareysa qaraxyada oo ah waxa kaliya ay awoodda inay sameyso, islamarkaana kusii jiri karto kadib markii dagaalka dhulka looga adkaadey oo magaalooyin badan laga saarey.
KEYDMEDIA ONLINE
Add comment
Comments
There are no comments for this entry yet.