Rooble oo ku dhawaaqay in la guda galayo doorashada

Ra'iisal Wasaare Maxamed Xuseen Rooble ayaa ku dhawaaqay in Dowladdu ay go'aansatay in la guda-galo doorashada, kaddib kulanno uu la qaatay madaxweynayaasha dowlad gobolleedyada Galmudug, Koonfur Galbeed, Hirshabeelle iyo Guddoomiyaha Gobolka Banaadir.

Warar Keydmedia Online
9 January 2021

War-saxaafadeed ka soo baxay xafiiska Ra'iisal Wasaaraha ayaa lagu sheegay in Xukuumaddu ay ka shaqeyneysay sidii loo xalin lahaa khilaafka ka jira doorashada, iyadoo 'baaqyo loo diray; dhinacyada ay quseyso. 

Rooble ayaa sheegay in Dowladda ay ugu danbeyntii go'aansatay in doorashada la guda-galo lagana bilaabo xarumaha dowlad gobolleedyada diyaarka u ah qabashada doorashada.

“Marar badan ayaa ku celcelinay in ay albaabadaydu u furan yihiin cid walba oo tabasho qabta, aanna diyaar u ahay had iyo jeer inaan tixgeliyo aragtiyada kala duwan ee la xiriira fulinta heshiiskii doorashooyinka iyo habraacyadii lagu heshiiyay.”

Hadalka Rooble ayaa imanaya xili wali Midowga Musharixiinta iyo Maamuladda Puntland iyo Jubbaland ay kasoo horjeedaan doorashada iyaga oo dalabnaya in la saxo qaladaadka jira ka hor inta aan doorashada la aadin,

Wixii kusoo kordha warkaan kala soco Keydmedia Online

KEYDMEDIA ONLINE