KEYDMEDIA ONLINE DIB U HABEYN BAA KU SOCOTA
Afhayeenka xukuumadda xil gaarsiinta ah ee Soomaaliya Maxamed Ibraahim Mucalimuu ayaa sheegay galabta uu shir uga furmi doono RW Rooble iyo xubnaha golaha midowga musharaxiinta madaxweynaha Soomaaliya 2021.
MUQDISHO, Soomaaliya - Afhayeenka Xukuumadda xil gaarsiinta ah ee Soomaaliya ayaa xaqiijiyay in kulan kuhiim ah uu galabta ka dhici doono Hotel Decale ee magaalada Muqdisho, Afhayeenka ayaa sheegay in uu kulankaasi dhex mari doono RW Rooble iyo xubnaha golaha midowga musharaxiinta madaxweynaha Soomaaliya 2021.
"Si loo sii ambaqaado heshiiska Febraayo 25-keeda, RW Maxamed Xuseen Rooble wuxuu galabta kula kulmi doonaa Golaha midowga murashaxiinta Madaxweynaha Soomaaliya 2021 Hotelka Decale ee magaalada Muqdisho." ayuu yiri Maxamed Mucalimuu Afhayeenka Xukuumadda xil gaarsiinta ah ee Soomaaliya.
Afhayeenka ayaa intaa ku daray in ay dowladdu diyaar u tahay in ay la hadasho cidkasta oo ka aragti duwan oo lagala hadlo arrimaha la xiriira doorashooyinka "DFS waxay diyaar u tahay inay lahadasho cidkasta oo ka aragti duwan danaha dalkeena & tag doorashada." ayuu sii raaciyay Afhayeenka Xukuumadda xil gaarsiinta ah ee Soomaaliya.
KEYDMEDIA ONLINE
Add comment
Comments
There are no comments for this entry yet.