KEYDMEDIA ONLINE DIB U HABEYN BAA KU SOCOTA
Shacabka magaaladda ayaa isku tashi sameeyay, oo inta badan dhisay Garoonka diyaaradaha oo 3-KM ka kooban, iyadoo aan wax taageero ah ka helin DF.
CAABUDWAAQ - Ra’iisul Wasaare Maxamed Xuseen Rooble iyo wafdi uu hoggaaminayo ayaa shalay gaaray degmada Caabudwaaq ee Gobolka Galgaduud, kasoo kasoo tagey magaaladda Dhuusamareeb.
Ujeedka Safarka Ra’iisul Wasaaraha uu tagey degmada Caabudwaaq ayaa ku qotoma sidii loo xoojin lahaa adeegyada bulshada iyo amniga deegaanka.
Ra’iisul Wasaaraha ayaa uga tacsiyeeyey bulshada Caabudwaaq saraakiishii lagu laayay deegaannada u dhexeeya Balanbale iyo Guriceel, waxuuna amray in si dhaqso loo horkeeno caddaaladda kooxihii dalka geystay.
Wuxuu ku dhawaaqay Rooble inay Xukuumadiisa siinayso shacabka Caabudwaaq $200, 000 oo deeq ah, si loogu dhameystiri wajiga 2aad ee dhismaha Garoonka diyaaradaha magaaladda.
Rooble waxaa Safarkiisa ku weheliya Madaxweynaha Dowlad Gobolleedka Galmudug Mudane Axmed Cabdi Kaariye (Qoor-Qoor), Wasiirro, Xildhibaanno iyo madax kala duwan.
Waa socdaalkii ugu horeeyay oo Rooble ku tago Galmudug iyo Puntland, isagoo xal u raadinaya muranka doorashooyinka dalka oo dib u dhac ku yimid, islamarkaana la hubin in Febuary 8 Madaxweyne cusub Soomaaliya yeelan doonto.
KEYDMEDIA ONLINE
Add comment
Comments
There are no comments for this entry yet.