Safiirka Cusub ee Mareykanka oo Kulamo Muqdisho ka billaabey

Dowladda Mareykanka ayaa cadaadis xoog leh saareysa Madaxda Soomaaliya, oo ugu hanjabtay xayiraado dhanka Fiisaha.

Warar Keydmedia Online
12 February 2022

MUQDISHO, Soomaaliya - Safiirka cusub Mareykanka dhawaan usoo dirtay Soomaaliya Larry Andre, ayaa Muqdisho ka wada kulam siyaasadeed oo la yeelayo madaxda sare ee dalka.

Muqdisho ayuu Maanta kula kulmay Ra'iisul Wasaare Rooble oo kala hadlay arrimo ay kamid ahaayeen doorashadda iyo amniga, iyadoo kulankooda intiisa badan ahaa mid is-barasho ah.

Mareykanka ayaa dhawaan shaaciyay inuu xayiraad saarey shaqsiyaad uusan magacaabin oo kamid ah madaxda Soomaaliya, wuxuuna ku baaqey in doorashadda lagu dhameeyo Feb 25.

Liiska dadka la cunaqabateeyay waxaa ku jira Farmaajo iyo Fahad Yaasiin [Halkan ka akhriso], iyadoo dowladda Mareykanka shaacin doonto magacyada, hadii aan doorashadda la qaban.

Saameynta Mareykanka ayaa laga dareemayaa Soomaaliya, waxaana culeyska ugu badan wajahaya madaxda dowladda Federaalka iyo Maamul Goboleedyada, oo ah saamileyda dalka.

KEYDMEDIA ONLINE