Sarkaal Ciidan oo lagu dilay duleedka Muqdisho

MUQDISHO, Soomaaliya - Rag hubeysan oo katirsan Kooxda Al-Shabaab ayaa degaanka Tabeellaha Sheekh Ibraahim ku dishay Sarkaal sare oo katirsanaa Ciidana Militeriga dowladda Soomaaliya, sida ay xaqiijiyeen dad goobjoog u ahaa falkan.

War qoraal ah oo lagu daabacay barta Internet-ka Al-Shabaab ayaa lagu sheegay in ninka la dilay uu ahaa Sarreeye Guuto, oo Militeriga katirsanaa, kaasoo aysan magaaciisa shaacin.

Wali dowladda kama hadlin dilka dhacay, oo kusoo beegmaya xili shalay AMISOM qarax miino lagula eegtay degaanka Arbacow, oo ku yaalla inta u dhaxaysa Muqdisho iyo Afgooye.

KEYDMEDIA ONLINE