Shabaab oo kala diray Dhalinyaro Banooni ku ciyaareysay degmada Afgooye

Afgooye(keydmedia) Shabaabka dhawaan la wareegay degmada Afgooye ee gobalka Sh.hoose ayaa shalay galinkii danbe kala diray dhalinyaro kubadda cagta ku ciyaareysay degmada Afgooye ee gobalka Sh.hoose.

Warar Keydmedia Online
21 January 2011

Dhalinyarada la kala diray ee kubadda cagta ciyaareysay ayaa waxaa u yimid dhalinyaro hubeysan oo Shabaabka ka tirsan kuwaa oo jajabiyay ulihii Goosha isla markaana jarjaray shabaqyadii Goosha.

Axmed Geedi oo ka mid ahaa dhalinyaradii ciyaarta laga carqaladeeyay ayaa keydmedia u sheegay in qaab ciyaareedkooda kubadda cagta uu waafaqsanaa istaraatiijiyada ay shabaab u gooyeen, waxaana ay aad ula yaabeen falka ay kula kaceen shabaabku.

Tartanka kubadda cagta ee shabaab carqaladeeyeen ayaa ahaa mid ay soo abaabushay Shirkad ganacsi oo lagu magacaabo Nation link,.

 www.keydmedia.net