Shabaab oo qorsheynaya ku dhawaaqista dowlad

Qaab dhismeedka dowladan ayaa la sheegay inuu ka koobnaan doono gole Baarlamaan, gole wasiiro iyo madaxtooyo waxaana iminka muran uu ka taaganyahay qaabkii loo kala maareyn lahaa qeybsiga xilalkaasi.

Nin codsaday inaan magaciisa oo buuxa lagu bandhigin warbaahinta kuna soo koobay Magaciisa Faarax kana tirsan Alshabaab ayaa u sheegay keydmedia  in Xasan Daahir loo qorsheynayo inuu noqdo gudoomiyaha Baarlamaanka oo ay iyagu u bixin doonaan magaca ah golaha Shuurada si la mid ah qaab dhismeedkii Maxkamadaha.

Xog-ogaalka waxa ay ku waramayaan in muranka ugu xooga badan uu ka taaganyahay xilka madaxtimadana oo ay isku heystaan Axmed Godane, Mukhtaar Mansuur iyo Fu’aad Shonqole waxaana seddexdaasi shaqsi ay isku garbinayaan qabashada xilkaasi.

Abaabulka ay wadaan shabaabka ee ay ku doonayaan dhisada maamul cusub ayaa waxa uu ku soo beegmayaa xili dowlada dhexdeeda uu ka jiro khilaaf xoog leh iyo is qabqabsi balaaran.

www.keydmedia.net