KEYDMEDIA ONLINE DIB U HABEYN BAA KU SOCOTA
Jamciyada Quruumaha ka dhaxaysa ayaa ka dalbatay dalalka deeqaha bixiya iyo ururada samafalka inay taageeraan DKMG Soomaaliya ee caalamku uu taageero taasi oo dagaal kula jirta dhaq dhaqaaqa Al-shabaab ee ka dagaalamo gudaha wadanka Soomaaliya..
Si la mid ah waxaa shirka looga baaqay in la xoojiyo taageerada lasiiyo xafiiska Jamciyadda Quruumaha ka dhaxaysa ee taageerada AMISOM ee la yiraahdo UNSOA kaasoo ka shaqeynaya sidii loo kordhin lahaa tirada ciidamada AMISOM ee joogta magaalada Caasimada ee Xamar..
Ergeyga gaarka ee xoghayaha guud u qaabilsan Soomaaliya Augustine Mahiga oo kulanka ka hadlay ayaa sheegay inuu jiro gaabis dhinaca taageerada lasiiyo xafiiska UNSOA iyo DKMG Soomaaliya, wuxuuna ku baaqay in arintaasi deg deg wax looga qabto.
Ergeyga wuxuu sidoo kale ku baaqay in wadamadu deg deg u fuliyaan dhawaaqii UN-ka ee ku wajahnaa in ciidamo 4,000 dheeraad ah la geeyo Soomaaliya iyadoo hawlgalka Amisom loo bedelayo mid ay maamusho Qaramada Midoobay.
Xoghayaha guud ee Qaramada Midoobay Ban Ki-Moon ayaa isaguna halkaasi ka soo jeediyey bayaan ka hadlaya taageerada beesha caalamka looga baahan yahay inay siiso Soomaaliya si DKMG ee tabarta darani awood ugu yeelato iska difaacida kooxaha mucaardka ah.
Dhanka kale waxaa shirkaas ka qeybgalay Riisul wasaaraha xukuumada KMG Soomaaliya Maxamed Cabdullaahi Farmaajo daaha ka qaaday in xukuumada cusub ay wada dadaalo dheeraad ah oo ka dhan ah sidii ay dalka ugala wareegi lahaayeen dhaq dhaqaaqa Alshabaab, asigoono ku soo cel celiyey taagerada caalamka in ay u baahan tahay DKMG SOomaaliya, asigoona qaylo dhaan ka jeediyey in ay abaarta ku dhifatay soomaaliya ay in ka badan laba milyan iyo bar gaajo iyo haraad ugu dhiman doonaan hadii aysan sida ugu dhaqsiyaha badan gar gaar loola gaarin.
Add comment
Comments
There are no comments for this entry yet.