Sidee Rooble u arkaa doorashaddii Galmudug?

Waxay ka dhigan tahay doorashadda labada Kursi dhamaadka hanaanka lagu soo xulayo xubnaha Aqalka Sare ee Baarlamaanka 11aad.

Warar Keydmedia Online
13 November 2021

MUQDISHO, Soomaaliya - Ra'iisul Wasaare Rooble, ayaa soo saarey qoraal kooban oo uu kusoo dhaweeyay doorashadda labada Kursi ee ka harsanaa Aqalka Sare, oo ka dhacay Galmudug Maanta oo Sabti ah.

”Waa guul weyn in ay maanta soo idlaatay doorashadii Gollaha Aqalka Sare ee BFS, Waan bogaadinayaa senatorrada maanta la doortay, madaxweynaha iyo Baarlamaanka Galmudug iyo guud ahaan dowlad-goboleedyada," ayuu yiri Rooble.

Waxuu ka rajeeyay Rooble dowlad-goboleedyada oo dhami in sida ugu dhaqsiyaha badan u bilaabaan doorashada xildhibaannada Gollaha Shacabka, oo mudo saddex jeer dib u dhacday.

Gudiga doorashadda Heer Federaal ayaa Maanta sanaadiiq codbixin u diray qeybo kamid ah gobollada, waxaana la filayaa in bishan dhexdeeda ay billaabato doorashadda, lana soo gabagabeeyay bisha December.

Rooble ayaa mas'uuliyadda doorashadda lagu wareejiyay bishii May ee sanadkan kadib markii Farmaajo uu fashilmay, waxaana doorashadda sanadkan noqotay mid caqabada badan hareeyeen, oo hal sano dib u dhacday.

Labo kursi ayaa laga doortay 275 xubnood ee Gollaha Shacabka, kuwaasoo Muqdisho lagu doortay horaantii bishan, waxayna kamid yihiin kuraasta Somaliland, iyadoo mid kamid ah uu boobey Mahdi Guuleed.

KEYDMEDIA ONLINE