Suuqa Bakaaraha oo hantidii ugu danbeysay lagala baxayo.

Cabdulqaadir Geeseey oo kamid ah ganacsatada suuqaasi kabaayac mushtara ayaa waxa uu u sheegay Keydmedia in ganacsaadu habeenkii xalay ahaa ay bilaabeen in ay labaxaan hantida halkaasi ka taalla, iyaga oo ka cabsaday in ay ku hanti beelaan suuqaasi oo ay xilligaan ku sii siqayaan AMISOM iyo ciidamada dowlada.

Waxa uu intaa sii raaciyay Cabdulqaadir Geeseey in ganacsatadu hantodooda ay u daad gureynayaan Ceelasha Biyaha, degmada Deyniille iyo qeybaha dowladu Muqdisho ka maamusho.

Dagaaladii ugu danbeeyay ee kadhacay Hodon iyo Howlwadaag ayaa ciidamada dowlada iyo kuwa AMISOM waxa ay ka gaareen guulo lataaban karo iyaga oo xilligaan gaaray wadada Wadnaha oo ah halka laga galo Suuqa Bakaaraha, taas oo ah mida ganacsadada ku dhalisay in labaxsadan hantidooda iyaga oo kabaqdin qaba in suuqaasi ladhoco sidii waqtigii ay ciidamada Itoobiya dalka joogeen.

www.keydmedia.net