Tababar loo soo xiray Ciidamada Badda

Ciidamada Badda Soomaaliya ayaa tababar loogu soo xiray waddanka Uganda halkaasoo ay kusoo qaateen tababar socday muddo, waxaana lagu wadaa in ay dalka kusoo laabtaan 

Warar Keydmedia Online
30 March 2021

MUQDISHO, Soomaaliya - Waxaa tababar loogu soo xiray waddanka Uganda oo kamida waddamada ay ka joogaan Ciidamada Nabad Ilaalinta ee AMISOM ee Soomaaliya guuto ka tirsan ciiddanka badda, kuwaasi oo tababar ku qaatay Harada Lake Victoria oo ku taalla xuduudka Uganda ay wadaagto dalalka Tanzania iyo Kenya.

Taliyaha Ciiddanka gaarka ah ee ee Uganda ahna La-taliyaha Sare ee Madaxweyne Museveni  ee dhinaca Hawlgalladda Khaaska, Muhoozi Kainerugaba ayaa waxa uu ku booriyey Ciiddankaasi inay u diyaar garoobaan xilli kasta oo loo baahdo in iyaga loo daad-gureeyo dalalka kale, si ay uga qeyb qaataan howlaha nabadeynta ee gobolka oo dhan.

Ciidamada ayaa loo sheegan in loo daabuli doonaa meel kasta oo ay ciiddanka Uganda joogeen, si ay uga qeyb qaataan howlaha nabad gelyada ee Badaha.

Waxaa lag sheegaa in tiro yar oo ka tirsan Ciiddanka badda ee Uganda ay ka hawl-galaan Somalia, Uganda malahan badda haddana sidaas oo ay tahay waxay leedahay ciidamo gaara oo loo tababaray Badaha iyo Harooyinka waa weyn, waxa ayna Soomaaliya ka caawineysa sidii u heli lahaayeen ciidan Badeed dhammeystiran oo haysta tababar ku filan.

KEYDMEDIA ONLINE