KEYDMEDIA ONLINE DIB U HABEYN BAA KU SOCOTA
Codsiga Beesha Caalamka ee Xildhibaanada ayaa ah mid ka muuqata inay doonayaan hogaamiye gaar ah, oo ka duwan Farmaajo oo la shaqeyn waayay shantii sano ee uu Villa Somalia fadhiyay.
MUQDISHO, Soomaaliya - Xili berri ay dhacayso doorashada Madaxweynaha Soomaaliya, saaxiibada caalamka waxay ugu baaqayaan dhammaan xubnaha Baarlamaanka inay gutaan mas’uuliyadda dastuuriga ah ee ka saaran maslaxadda dalka.
Waxay ugu baaqeen xildhibaanada inay raacaan damiirkooda, oo u codeeyaan Musharaxa ay aaminsan yihiin inuu leeyahay tayo hogaamineed ee lagu hormarin karo nabadda, xasiloonida, iyo dowladnimada Soomaaliya afarta sano, ee soo socda.
Codsiga Beesha Caalamka ee Xildhibaanada ayaa ah mid ka muuqata inay doonayaan hogaamiye gaar ah, oo ka duwan Farmaajo oo la shaqeyn waayay shantii sano ee uu Villa Somalia fadhiyay.
Xildhibaanada ayaa la rumeysan yahay inay codadkooda iibsadeen, oo ay siinayaan cidii lacag badan siisay, maadaama aysan ku shaqeynin wadaniyad iyo dal jacayl, taasoo meesha ka saareysa Soomaaliya inay yeelato dowlad caadil ah, oo umada u adeegta.
Qof walba oo xukunka yimaado, waxa uu ugu horeyn ku fekerayaan inuu akoono buuxsado, oo hanti ka tabco xoolaha umadda, waxaana taasi u fududeynaya isla-xisaabtan la'aanta jirta.
Musharixiin gaaraya 37 ayaa la filayaa inay u tartamaan hal kursi berri, waana tiradii ugu badnayd oo taariikhda isa-soo sharaxda, iyadoo ay jiraan musharixiin maqaar saar ah oo la wato.
KEYDMEDIA ONLINE
Add comment
Comments
There are no comments for this entry yet.