KEYDMEDIA ONLINE DIB U HABEYN BAA KU SOCOTA
Madaxweynaha wuxuu horey u booqday Imaaraadka, Turkey, Eritrea, Jabuuti, Kenya iyo Tanzania, oo kula soo kulmay Madaxdooda ugu sareysa.
MUQDISHO, Soomaaliya - Madaxweyne Xasan Sheekh ayaa Maanta oo Sabti ah dib ugu laabtay Muqdisho, kadib safar labo maalin qaatey oo ku tagey dalka Tanzania oo uga qeybgalay Shirka 22aad ee madaxda Bulshadda Bariga Africa [EAC].
Xasan Sheekh ayaa u gudbiyay EAC markii 3aad codsiga Soomaaliya inay kamid noqoto Ururka, taasoo wax badan u tareysa dhaqaalaha dalka, sida lagu sheegay war kasoo baxay xafiiskiisa.
Xog hoose oo Keydmedia Online heshay ayaa sheegaya in Xasan uu kusii jeeda dalka Masar, oo uu ku tago Casuumaad uu ka helay dhigiisa C/fitaax Al-Siisi, oo xiriirka Soomaaliya daneynaya inuu dib usoo celiyo kadib markii uu Farmaajo jaray.
Wuxuu noqonayaa safarkiisa 7aad tan iyo markii la doortay bishii May. Madaxweynaha wuxuu horey u booqday Imaaraadka, Turkey, Eritrea, Jabuuti, Kenya iyo Tanzania, oo kula soo kulmay Madaxdooda ugu sareysa.
Socdaalka joogtada ee Madaxweyne Xasan Sheekh, ayaa la sheegay inay dib u dhigayso magacaabista Gollaha Wasiiradda, oo mudo labo bilood laga sugayo RW Xamse Cabdi Barre.
KEYDMEDIA ONLINE
Add comment
Comments
There are no comments for this entry yet.