Xildhibaan kale oo u geeriyoodey COVID-19

Axmed Madoobe ayaa sheegay in Xildhibaanka uu qeyb wayn ka qaatay dhismaha maamulkiisa Jubbaland.

Warar Keydmedia Online
18 March 2021

KISMAAYO, Soomaaliya - Cabdi Xasan Xiish oo katirsanaa Baarlamaanka Jubbaland ayaa saakay oo Khamiis ah ku geeriyoodey magaaladda Kismaayo, ee xarunta Jubadda Hoose.

Xildhibaanka ayaa mudooyinkii dambe ku jiray xaalad xanuun ah kadib markii uu ku dhacay COVID-19, kaasoo ugu dambeyntii maanta uu u dhintay, waxaana geeridiisa ka tacsiyadeeyay Axmed Madoobe iyo Madax kale.

Waa Xildhibaankii 3aad oo bishan u dhinta COVID-19 gudaha Soomaaliya, iyadoo cudurka uu fara ba'aan ku haya dadka da'ida ah oo noqday ugu ugu badan uu u geeriyoonaya caabuqa safmarka ah.

Soomaaliya waxaa COVID-19 u dhintay ku dhawaad 400 mudo hal sano ah, iyadoo ay jiraan kiisas badan oo dhimasho ah oo dowladda aan diiwaangelin.

Maashinada neefta ayaan lahayn Isbitaallada dalka oo dhan oo saameeyay burburkii dalka, iyadoo taasi keentay inay badato geerida dadka uu soo rito xanuunka.

KEYDMEDIA ONLINE