Xildhibaanno lagu doortay Beledweyne

Maxamed Ibraahim Macalimuu ayaa kamid ahaa Musharixiintii kusoo baxay doorashadda Maanta ka dhacay xarunta gobolka Hiiraan.

Warar Keydmedia Online
27 February 2022

BELEDWEYNE, Soomaaliya - Lix Xildhibaan ayaa Maanta lagu doortay magaaladda Beledweyne, kuwaasoo isagu jira wajiyo cusub iyo kuwa dib usoo laabtay, oo Wasiirka Ganacsiga uu ku jiro.

Waxaa kamid ah shaqsiyaadka soo baxay Maxamed Ibraahim Macalimuu oo shan jeer ka badbaadey qaraxyo ka dhacay Muqdisho, oo kii ugu dambeeyay uusan wali kasoo kabsan dhaawaciisa.

Waxaa sidoo kale soo baxay Khaliif Cabdi Cumar, Wasiirka Ganacsiga oo dhawaan lagu helay musuq-maasuq, lagana joojiyay heshiis si suuq madow ula galay Shirkad Tayo-dhowrka ka shaqeysa.

Xildhibaanada kale ee guuleystay waxay kala yihiin; Cismaan Maxamed Cabdi Daallo, Maxamuud C/raxmaan Beene-Beene, Maxamed C/llaahi Axmed iyo C/kariim Cabdow Xaydar.

Waa markii 2aad oo doorasho ka dhacayso Beledweyne, oo ah degaan doorashadda 2aad ee HirShabeelle, oo dhawaan Fahad Yaasiin lagu doortay kadib markii Farmaajo Ciidan uu geeyay.

KEYDMEDIA ONLINE