KEYDMEDIA ONLINE DIB U HABEYN BAA KU SOCOTA
Sida ay sheegtay Xukuumadda cusub, waxey xal u raadineysa caqabada ka taagan, xirnaanshaha inta badan wadooyinka Muqdisho, oo ah arrin ay shacabku dhibannayaal u yihiin.
MUQDISHO, Soomaaliya- Howlaha ugu horreeyo ee ay xukuumadda Soomaaliya waqtigan qabaneyso ayaa waxaa ka mid ah xal u helida xirnaanshaha wadooyinka caasimadda, sida lagu sheegay hadal ka soo baxay xafiiska Ra'iisul wasaaraha Soomaaliya.
Xukuumadda oo hal ku dhigeeda ku sheegtay "Dan Qaran" ayaa laamaha amniga ugu baaqday in shacabka loo fududeeyo isu socodka, dadka iyo gaadiidka Muqdisho, oo xanibnaa muddo aad u fara badan.
"Inkastoo weli magaalada ay ku gadaaman yihiin, daruufihii amni ee sababay in la xiro wadooyinkaas, ayey misana raadineysaa xukuumadda cusub xal lagu qafiifinayo xanibaada bulshada heysata" ayaa lagu yiri war ka soo baxay xafiiska Ra'iisul Wasaaraha.
Shacabka Muqdisho, ayaa sanadihii ugu danbeeyey, dhibaato xooggan ku qabay, xirnaanshaha wadooyinka magaalada, waana kuwo caqabadaasi ka dhaxlay daruufo kala duwan, oo laga taaban karo, in hooyooyinka ay ku ummulaan wadooyinka, lana waayo meel la mariyo meydadka, iyo bukaanada ay xaaladaha deg deg ah la soo darsaan.
Shacabka caasimadda ayaa soo dhaweeyey hadalkan ka soo baxay xafiiska Ra'iisul wasaaraha, ee uu warbaahinta la wadaagay Af-hayeenka Xukuumadda Farxaan Jimcaalle, waxeyna dalbadeen in si deg deg ah loo dhaqan galiyo qorshaha xalka loogu raadinayo xirnaashaha wadooyinka magaalada.
KEYDMEDIA ONLINE
Add comment
Comments
There are no comments for this entry yet.