KEYDMEDIA ONLINE DIB U HABEYN BAA KU SOCOTA
Wasaaraduhu waxa ay soo bandhigeen in degaannadu u baahan yihiin adeegyada caafimaadka, waxbarashada, garsoorka, sugidda amniga iyo dib-u-heshiisiinta, maadaama Al-Shabaab muddo cunaqabateyn ku heysay, kana hortaagnayd adeegyadii dowladda.
MUQDISHO, Soomaaliya - Ra’iisul Wasaaraha Xukuumadda Federaalka Soomaaliya Xamse Cabdi Barre ayaa guddoomiyey shir looga hadlayay xasillinta degaannada laga xoreeyey Kooxda Al-Shabaab iyo sidii loo gaarsiin lahaa adeegyada Dowladda ee muhiimka ah.
Sida lagu sheegay war ka soo baxay xafiiska Ra’iisul Wasaaraha, Wasaaradaha kulanka ka qeyb galay ayaa soo bandhigay qorshahooda ku aaddan adeegyada ay u baahan yihiin bulshada ku dhaqan degaannada laga xoreeyey Kooxda xiriirka la leh Al-Qaacida.
Wasaaraduhu waxa ay soo bandhigeen in degaannadu u baahan yihiin adeegyada caafimaadka, waxbarashada, garsoorka, sugidda amniga iyo dib-u-heshiisiinta, maadaama Al-Shabaab muddo cunaqabateyn ku heysay, kana hortaagnayd adeegyadii dowladda.
Ra’iisul Wasaare Xamse Cabdi Barre oo tilmaamay ahmiyadda ay xukuumaddiisu siineyso gaarsiinta adeeggii dowladda goobaha la xoreeyey, ayaa faray wasaaradaha ku shaqada leh in si deg-deg ah dhulka la xoreeyey looga hirgeliyo adeegyada asaasiga ah.
“Ra’iisul Wasaaraha ayaa xusay in dowladdu ay sii wadi doonto dagaalka socda ilaa inta dalka oo dhan laga ciribtirayo kooxaha khawaarijta ah ee baneystay nafta iyo maalka dadka Soomaaliyeed”. Ayaa lagu yiri warka ka soo baxay xafiiska Ra’iisul Wasaaraha.
KEYDMEDIA ONLINE
Add comment
Comments
There are no comments for this entry yet.