KEYDMEDIA ONLINE DIB U HABEYN BAA KU SOCOTA
Wasiirka warfaafinta Boostada iyo isgaarsiinta dowladda C/kariin Xasan Jaamac ayaa dhawaan shir ugu yeeray mas’uuliyiinta shirkadaha isgaarsiinta maxaliga ah ee magaalada Muqdisho, waxaana uu ugu baaqay shirkadaha in ay soo celiyaan isticmaalka furihii Dal ku galka Soomaaliya (+2521).
Waxaa kaloo uu ugu baaqay Shirkada Nation oo ka mid ah shirkadaha magaalada muqdisho ka howl gala in ay soo bandhigto qaab howleedka adeega telfoonka Turaayo ee ay shirkadaasi bixiso.
Mudooyinkii ugu danbeeyay ayaa shirkadaha isgaarsiinta ee kala ah Nation, Hormuud iyo Telecom ee ka howl gala koonfurta Soomaaliya waxa ay badaleen furihii Dal ku galka Soomaaliya iyagoona kala qaatay furayaasha kala ah +252699, +25261, +25262 sida ay u kala horeeyaan.
Wasaaradan ayaa la sheegay in ay qorsheyneyso sameynta nidaam ay kula soconeyso dhaqdhaqaaqa adeega telfoonada ay bixiyaan shirkadaasi, waxaana la aaminsanyahay ujeedada arinkan ka danbeysa in ay tahay iyadoo dowladda ay aaminsantahay shirkadahan qaarkood in ay gacan saar shaqo la leeyihiin xoogaga dowlada la dagaalama.
Add comment
Comments
There are no comments for this entry yet.