KEYDMEDIA ONLINE DIB U HABEYN BAA KU SOCOTA
Gedo waxaa ka socda dhaq-dhaqaaq Ciidan oo uu wado Wasiirkii hore ee amniga Jubbaland C/rashiid Janan.
DOOLOW, Soomaaliya - Waxaa Maanta magaaladda Doolow ee xadka Kenya gaarey Agaasimaha NISA Mahad Salaad, oo ay wehliyaan Saraakiil kale oo katirsan hay'adda Sirdoonka dalka.
Ujeedka socdaalka aan horey loo shaacin ayaa la xiriira isbedelka uu Mahad Salaad ku sameynayo Ciidanka NISA ee ka howlgalka Gobolka Gedo, oo maalmo kahor taliye cusub uga dhigay Jen Jamaal Xasan Sareey.
Mahad Salaad waxaa magaaladda Doolow uga horeeyay oo maalmihii dambe ku sugnaa Wasiirkii hore ee amniga Jubbaland C/rashiid Janan iyo Senator Fartaaq, oo dhaq-dhaqaaqyo kawaday.
Agaasimaha NISA ayaa kulamo kula leh magaaladda taliska cusub ee u magacaabey Gedo Jeneraal Jamaal iyo ku-xigeenadiisa, kuwaasoo isaga inta uu joogay xilka iyo shaqada la wareegaya.
Jeneraal Jamaal ayaa bedelaya Bakaal Kooke, oo duleedka Doolow qarax Miino lagu dilay Todobaadkii tagey, waxaana dhimashadda Taliyaha ay dhalisay shaki iyo su'aallo badan, iyadoo lagu eedeeyay Itoobiya inay ku lug lahayd.
Mahad Salaad ayaa sidoo kale ka kulmi doono taliyeyaasha militeriga iyo Ciidanka kale, isagoo kala hadli doono dagaalka dowladda qorsheynayso inay ku qaado Al-Shabaab-ka ku sugan qeybo kamid ah Gedo.
KEYDMEDIA ONLINE
Add comment
Comments
There are no comments for this entry yet.