KEYDMEDIA ONLINE DIB U HABEYN BAA KU SOCOTA
Duqeynta waxay ka dhacday degaanka Mushaani, oo aan ka fogeyn Janaale, oo sanadkii tagey Kooxda Al-Shabaab laga saarey.
MUQDISHO, Soomaaliya - Labo caruur ah ayaa ku dhimatay, saddex kalena way ku dhaawacmeen weerar madaafiic ah oo AMISOM ku qaadey xalay degaan lagu magacaabo Mushaani, oo ku dhaw Janaale, oo Shabeellaha Hoose katirsan.
Hooyada Caruurta ayaa sidoo kale ku dhaawacantay duqeynta AMISOM ay goobaha shacabka ku sameysay, iyadoo saakay lasoo sheegayo in Ciidamada dowladda ay gaareen degaanka oo inta badan Al-Shabaab maamusho.
Taliska AMISOM ee fadhiya Xalane wali kama uusan hadlin khasaaraha shacabka kasoo gaarey madaafiicdooda, waxaana jirin isla-xisaabtan lagu sameeyo Ciidanka ajnabiga ah ee dhibaatooyinka ka geysta Soomaaliya, kuwaasoo askarta Mareykanka ay kamid yihiin.
Janaale waxay ku jirtaa gacanta dowladda, kadib markii sanadkii lasoo dhaafay laga saarey Al-Shabaab mudo ka badan 10 sano maamuleysay, waxana kamid ahayd tuulooyin dhowr ah oo ku teedsan duleedka Afgooye oo lala wareegay dhawaan.
KEYDMEDIA ONLINE
Add comment
Comments
There are no comments for this entry yet.