KEYDMEDIA ONLINE DIB U HABEYN BAA KU SOCOTA
Amaanka Axmed Madoobe waxaa sugaya Ciidan uu Kismaayo kala yimid, oo uga soo horeeyay Garoonka diyaaradaha.
MUQDISHO, Soomaaliya - Madaxweynaha Jubbaland Axmed Madoobe ayaa Maanta soo gaarey Muqdisho, oo lagu wado inuu dhawaan ka furmo Shirka Farmaajo iyo Maamullada.
Kahor inta uusan imaan, ugu yaraan 3 hoobiye ayaa ku dhacday xarunta Xalane oo ku dhegan Garoonka diyaaradaha waxaana ka dhashay khasaaro u badan burbur.
Madaxweynaha Puntland Saciid C/llaahi Deni ayaa isna la filayaa inuu yimaado Muqdisho maalinta berri ah, isagoo kusoo biiraya madaxda maamullada shanta ah ee uga soo horeeyay magaaladda.
Shirka arrimaha doorashadda waxaa la filayaa inuu ka furmo xarunta Afisyooni, oo Garoonka diyaaradaha aan ka fogeyn, kadib markii Axmed Madoobe iyo Deni ay diideen inay tagaan Villa Somalia taasoo muujinaysa inaysan jirin kalsooni.
KEYDMEDIA ONLINE
Add comment
Comments
There are no comments for this entry yet.