KEYDMEDIA ONLINE DIB U HABEYN BAA KU SOCOTA
Degaan lagu magacaabo Buundo-Garas, oo ku yaalla duleedka degmada Doolow ee gobolka Gedo.
DOOLOW, Soomaaliya - Dowladda Soomaaliya ayaa meel kale u wareejisay Askar bada oo isku soo dhiibay Isniintii kadib dagaalkii ka dhacay magaaladda Beled-Xaawo, ee gobolka Gedo.
Ciidanka isa soo dhiibay ayaa sida Keydmedia Online ogaatey u badan Mareexaan dhinaca Axmed Madoobe kasoo baxay oo dowladda Farmaajo kusoo biiray, waxaan tiro ahaan lagu qiyaasay illaa 150 askari.
Waxaa lagu xareeyay xero military, oo ku taalla degaanka hoostaga Doolow, oo Buundo Garas lagu magacaabo halkaasoo la filayo in dib u habeyn lagu sameeyo kadina toos uga mid noqdaan Ciidanka DF ee ka howlgala Gedo.
Dagaalka ka socda Beled-Xaawo wuxuu salka ku hayaa arrimo qabiil, oo waxaa isku haya maamulka gobolka Mareexaan oo Farmaajo ka dhashay iyo Ogaadeen oo Axmed Madoobe kasoo jeedo, waxaana muuqata in Ciidanka qaranka labadaas beelood u kala jabay hadda.
Isniintii lasoo dhaafay Beled-Xaawo ayay ku dagaalameen Ciidamada qaabka beeleed u dhisan, waxaana looga adkaadey kuwa Axmed Madoobe, iyadoo khasaaraha colaadda ay u badan yihiin shacabka degaanka.
Inta la xaqiijiyay 11 qof, oo 8 kamid ah ahaayeen Carruur ayaa ku dhimatay dagaalkii Beled-Xaawo, iyadoo ay ku dhaawacmeen tobanaan kale, oo 20 kamid ah loo qaadey Muqdisho.
KEYDMEDIA ONLINE
Add comment
Comments
There are no comments for this entry yet.