KEYDMEDIA ONLINE DIB U HABEYN BAA KU SOCOTA
Al-Shabaab ayaa Muqdisho xalay ku qaadey weerar xooggan, oo geystay khasaarooyin kala duwan oo dhimasho iyo dhaawac leh.
MUQDISHO, Soomaaliya - Xili uu socda weerarka Hayat hotel, illaa afar hoobiye ayaa ku dhacday nawaaxiga Garoonka Aadan Cadde, kuwaasoo ay ku dhinteen ugu yaraan 4 qof oo shacab ahaa.
Goobjooge ayaa u sheegay KON in hoobiyeyaasha ay xalay saqdii dhexe ku dhaceen Xaafado isku raran ah oo ku yaalla Iskuul Buluziya, oo ah xero booliska lagu tababaro, sidoo kalena lagu toogto dadka dilka lagu xukumo.
Waxaa la sheegay in tiro dad ah oo Carruur ay ku jiraan ay ku dhaawacmeen hoobiyeyaasha, kuwaasoo la dhigau Isbitaalka. Weerarka ayaa kusoo aadaya xili dableyd hubeysan ay ka dagaalamayaan Hayat hotel, oo xalay fiidkii ay galeen.
Rasaas goos-goos ah ayaa ka socota hotel-ka, iyadoo Ciidamada gaarka ee Alpha Group iyo Haram'cad ay isku dayayaan inay soo afjaraan howlgalka oo qaatay in ka badan 12 saacadood.
Lama oga inta la egtahay kooxda hotel-ka gashay, balse waxaa lagu qiyaasay 4 illaa 5, kuwaasoo saddex qarax albaabka ku furtay, kadbna galay xalay xiliga salaadda Maqrib laga soo baxay.
Waa weerarkii ugu cuslaa oo Al-Shabaab Muqdisho ka fuliso tan iyo doorashadii Xasan Sheekh bishii May ee sanadkan. [Halkan ka akhriso weerarka Hayat hotel].
KEYDMEDIA ONLINE
Add comment
Comments
There are no comments for this entry yet.