KEYDMEDIA ONLINE DIB U HABEYN BAA KU SOCOTA
UN Monitoring Group ayaa ku eedeysay Shirkadda Soma Oil & Gas ee laga leeyahay dalka Ingiriiska inay lacag badan siisay Madaxda wasaaradda Batroolka Soomaaliya lacagta dhan $600,000, taas oo abuurtay “khilaaf halis ah oo danno gaar ah ku saleysan".
MUQDISHO, Soomaaliya - Shirkadda Coastline Exploration ayaa siiyay dowladda Soomaaliya $7 million oo ku shubtay Bangiga Dhexe, taasoo ku tilmaantay "gunnada saxiixa" heshiiskii wadaagga wax soosaarka shidaalka.
Bixinta lacagta ayaa timid kadib markii Madaxweyne Xasan Sheekh uu saxiixay heshiis u ogolaanaya Coastline inay shidaal ka baarto 7 baloog oo ku yaalla xeebaha dalka Soomaaliya.
Heshiiskan ayaa waxaa markiisii horey Istanbul, Turkey bishii Feb 2021 ku saxiixay wasiirkii hore ee Batroolka Eng C/rashiid, waxaana uu khilaaf ka dhex abuuray Farmaajo iyo Rooble April 202.
Shirkadda Coastline Exploration ayaa sheegtay in lacag gaareysa $50 million ku bixisay Shidaal-baarista Soomaaliya tan iyo 2018, taasoo ay siisay dowladda Soomaaliya iyo Maamul Goboleedyada qaar, gaar ahaan kuwa xeebahooda shidaalka ku jiro.
Horey waxaa Coastline loo oran jiray Soma Oil & Gas, balse iska bedeshay magaca markii fadeexad musuq-maasuq kusoo ifbaxay, taasoo la xiriirta arrimaha shidaalka dalka Soomaaliya.
UN Monitoring Group ayaa ku eedeysay Shirkadda Soma Oil & Gas ee laga leeyahay dalka Ingiriiska inay lacag badan siisay Madaxda wasaaradda Batroolka Soomaaliya lacagta dhan $600,000, taas oo abuurtay “khilaaf halis ah oo danno gaar ah ku saleysan".
Xasan Cali Khayre ayaa saami ku lahaa Soma Oil & Gas, balse iska casilay xilalkii uu u hayay markii uu Ra'iisul Wasaaraha Soomaaliya noqday horaantii 2017.
KEYDMEDIA ONLINE
Add comment
Comments
There are no comments for this entry yet.