KEYDMEDIA ONLINE DIB U HABEYN BAA KU SOCOTA
Kadib doorashadiisa, Madaxweyne Xasan Sheekh ayaa balan-qaadey inuu dalka kusoo celinayo dhabaha saxda ah, islamarkaana uu sixi doono qaladaadkii Farmaajo.
MUQDISHO, Soomaaliya - Waxaa Maanta Muqdisho soo gaarey dufcadii ugu horeysay Ciidanka lagu soo tababarey dalka Eritrea, kuwaasoo mudo saddex sano ah maqnaa, iyadoo waalidiintooda ay ilinta ka dhamaatay sida ay ugu barooranayeen jidadka Caasimadda xiligii Farmaajo.
Soo celinta askarta waxay ahayd balan-qaad uu Madaxweyne Xasan Sheekh u sameeyay waalidiinta markii uu kasoo laabtay Eritrea safarkiisii ugu horeeyay, ee uu kula soo kulmay dhalinyarada.
Illaa 5,000 oo dhalinyaro ah, ayuu si qarsoodi ah Fahad Yaasiin ugu diray Eritrea 2019-2020, kuwaasoo lagala kala soo qoray gobollada dalka, waxaana lagu siray inay shaqo ka heleen dalka Qatar.
Qaar kamid ah dhalinyarada ayaa Villa Somalia sheegtay inay ku dhinteen tababarka, qaarna ay xanuuno ku dhacay u geeriyoodeen, waxaana la ogeyn hadda tirada rasmiga ah askarta imaanaysa.
Kadib doorashadiisa, Madaxweyne Xasan Sheekh ayaa balan-qaadey inuu dalka kusoo celinayo dhabaha saxda ah, islamarkaana uu sixi doono qaladaadkii Farmaajo sameeyay 2017-2022.
KEYDMEDIA ONLINE
Add comment
Comments
There are no comments for this entry yet.