NISA oo ‘qabatay’ walxo qaraxyada laga sameeyo oo u socday Al-Shabaab

Warkan ayay NISA kusoo beegtay xili dalka maanta uu xusayo sanad-guuraddii 3aad ee qaraxii Zoobe, kaasoo ay ku dhineen shacab badan oo Soomaaliyeed.

Warar Keydmedia Online
14 October 2020

MUQDISHO, Soomaaliya - Hay'adda Nabad Sugida iyo Siroonka Soomaaliya ee NISA ayaa bogga ay ku leedahay Twitter-ka kusoo qortay maanta in la qabtay maadooyiin qaraxyada laga sameeyo iyo shaqsiyaadkii wadey.

"Waxaa gacanta lagu dhigay 79, Tan oo maadada “Sulfuric Acid”ah & Shakhsiyaadkii dalka soo galiyey, una gudbinayey Maafiyada Alshabaab, waxayna wajihi doonaan Sharciga. Baaritaanka Maadadan waxaa ka wada shaqaynaya NISA & Hey’adaha ay iska kaashadaan ladagaalanka Aragagixisada," ayaa lagu yiri qoraalka NISA.

NISA ma aysan sheegin halka lagu qabtay iyo tirada dadka la hayo, iyadoo warkan uu kusoo beegmayo xili maanta la xusayo sanad-guuradii 3aad qaraxii Zoobe oo ay ku dhinteen in ka badan 632 qof.

KEYDMEDIA ONLINE