KEYDMEDIA ONLINE DIB U HABEYN BAA KU SOCOTA
Wuxuu Maanta Afisyooni kula kulmay Nathan Mugisha, oo ah Safiirka Uganda ee Soomaaliya.
MUQDISHO, Soomaaliya - Ra'iisul Wasaare Rooble ayaa magacaabey gudi heer wasiiro ah oo baaritaan ku sameeyo dil argaxan darro ah oo Ciidamada AMISOM ugu geysteen shacab Soomaaliyeed gobolka Shabeellaha Hoose maalmo kahor.
Rooble ayaa sheegay in marna uusan aqbali doonin in dhibaato la gaarsiiyo Shacabka Soomaaliyeed, hadii ay ahaan lahaayeen Ciidamada AMISOM ama kuwa dowladda Soomaaliya.
Hadalka wuxuu ka sheegay maanta Afisyooni oo uu kula kulmay Nathan Mugisha, oo ah Safiirka Uganda ee Soomaaliya iyo taliyaha AMOSOM oo dhacdadii xanuunka badnayd ee Golweyn kala hadlay.
Taliyaha AMISOM ayaa u sheegay Rooble inay xireen askartii Uganda u dhalatay ee dilka u geystay 7 qof oo shacab ah, kuwaasoo markii at dileen kadib qarax miino ku xiray, kadibna jirkooda ku kala jarjaray.
"Xaqiidii waa arin fool-xun oo aad iyo aad uga damaqanay hadii aan nahay dowladda Soomaaliyeed, marna ma aqbali doono, raalina kama nihin in shacabka Soomaaliyeed dhib loo geysto, hadii ay tahay AMISOM ama Ciidanka dowladda, shacabka waa lama taabtaan," ayuu yiri Rooble.
Gudiga uu magacaabey Rooble ayaa ka kooban afar xubnood oo kala ah, Wasiirka amniga, Gaashaandhigga, Cadaaladda iyo Arrimaha Gudaha kuwaasoo uu u xilsaarey inay soo baaraan kiiskan, kadibna ay warbixin ka keenaan.
Qoysaska dadka ay AMISOM dileen ayaa maalmihii ugu dambeeyay banaanbaxyo ka dhigayay Muqdisho, iyadoo dalbanayay cadaalad inay helaan dadka la dilay, oo meydadkooda ay sheegeen in aan la aasi doonin inta AMISOM raaligelin ka bixinayso, islamarkaana ay ka qaadeynayso mas'uuliyadda.
AMISOM ayaa dhibaato ku heysay shacabka tan iyo markii ay yimaadeen dalka 2007, iyadoo dhacdadii Golweyn ay ahayd midii ugu dambeysay falalka gumaadka iyo tacadiyada ka dhanka ah bini'aadanimada.
KEYDMEDIA ONLINE
Add comment
Comments
There are no comments for this entry yet.