RW Xamse muxuu ka yiri qaraxyada Zoobe?

Labada qarax waxay geysteen burbur xooggan, iyadoo goobta ay dadka soo xasuusisay burburka inta uu la egyahay awgiisa qaraxii 14-kii October 2017, kaasoo ay ku dhinteen in ka badan 550 qof.

Warar Keydmedia Online
29 October 2022

MUQDISHO, Soomaaliya - Ra’iisul Wasaare Xamse Cabdi Barre, ayaa si kulul u cambaareeyay weerarka maanta dadka maatida ah lagula eegtay xarunta Wasaaradda Waxbarashadda.

Wuuxuu Xamse sheegay in aanu marnaba niyad jabin doonin kacdoonka Shacabka Soomaaliyeed iyo dagaalka ay Dowladda Soomaaliya hormuudka ka tahay ee lagu ciribtiraayo Al-Shabaab.

Ra’iisul Wasaaraha ayaa xusay in qaraxyada maanta dhacay ay tusaale u yihiin hadafka guud ee Al-Shabaab oo ah inay baabi’iyaan ummadda Soomaaliyeed, iyaga oo aan kala sooceyn Carruur, Dhallinyaro, Haween iyo waayeel intaba.

Weerarka Maanta ayaa ka dhacay wado Mashquul badan, oo ku dhaw Isgoyska Zoobe, waxaana loo adeegsaday labo Gaari oo walxo qarxa lagu soo xiray, kuwaasoo khasaaro badan geystay.

Labada qarax waxay geysteen burbur xooggan, iyadoo goobta ay dadka soo xasuusisay burburka inta uu la egyahay awgiisa qaraxii 14-kii October 2017, kaasoo ay ku dhinteen in ka badan 550 qof.

KEYDMEDIA ONLINE