KEYDMEDIA ONLINE DIB U HABEYN BAA KU SOCOTA
Waxay ka kala yimaadeen xaruumaha warbaahinta madaxa-banaan ee Muqdisho, iyagoo codkooda isagu geeyay baaqa in lasoo daayo Wariye C/llaahi Kulmiye oo NISA u xiran.
MUQDISHO, Soomaaliya - Suxufiyiin tobaneeyo gaarayo ayaa Maanta dibadbax ka dhigay Muqdisho, iyagoo kasoo horjeeda xariga iyo afduubka wariye C/llaahi Kulmiye Caddow, oo NISA ay xirtay kadib markii uu wareysi ka qaadey Ganacsade Abuukar Cumar Cadaan.
Taliska NISA ayaa dhibsadey wareysiga, oo ganacsadaha ku taageeray Al-Shabaab iyo dilka Ciidamada AMISOM ee dalka ku sugan. Banaanbaxa Maanta waxaa lagu dalbanayay sii-deynta Wariyaha maalintii 3aad sida sharci darrada ah u xiran.
Wariyeyaasha iyo Maamuliyaasha xaruumaha warbaahinta ee ka qeybgalay dibadbaxa ayaa ku eedeeyay dawladda Farmaajo inay si xun ula dhaqato saxaafadda madaxa-banaan, kana dhigtay sidii Cadow ay dagaal kula jirto.
Ciidamada NISA ayaa xili habeen ah guriga ugu galay C/llaahi Kulmiye, kadibna si afduub ah uga soo watay, waxaana wali la ogeyn halka uu ku xiran yahay taasoo keentay walaac ku saabsan amnigiisa iyo in la dilo.
Warar ayaa sheegaya in lasoo daayay ganacsade Abuukar Cumar Cadaan, oo wareysiga bixiyay, si cadna u sheegay inuu taageersan yahay Al-Shabaab iyo fekerkeeda xagjirka ah, laakiin waxaa xiran wariyaha wareystay.
Fahad Yaasiin ayaa isaga markii uu ahaa wariye u shaqeynayey Al-jazeera wuxuu wareystay hoggaanka ugu sarreeya Al-shabaab, sida Cali Dheere iyo xubno kale, mana jirin cid xirtay.
KEYDMEDIA ONLINE
Add comment
Comments
There are no comments for this entry yet.